| 好耐冇寫xanga但我真係需要有個位宣下我對呢份財政預算案同財爺說話既不滿！
聽多兩次財爺叫大學生們唔好斤斤計較，冇錢都做住先，真係越聽越火！
你自己坐享百萬年薪梗係針唔拮到肉唔知痛，大學畢業出唻，得四千蚊甚至冇錢都叫斤斤計較？！
四千蚊請大學生簡直就係整冧個市！
講返個大學生資助計劃，方向係岩，但似乎冇監管機制去防止Ｄ人濫用計劃。
點樣防止Ｄ人唔係當請廉價勞工呢，第一價錢係一個問題，市場個個都係用四千蚊就請到個大學生，仲邊有人會比高Ｄ？咁樣就已經試驗左min wage 會唔會變成max wage。
財爺淨係一句：我相信我地既企業唔會咁做。真係太傻太天真！根本佢就冇諗到監管機制！
點確保呢個計劃係針對Ｄ難聽Ｄ講句，唔係第一批搵到工的學生呢？可能佢而家想請個長工，就擱置原有的招聘計劃，利用呢個計劃以四千蚊入貨，可以當係一個有折扣既試用期。變左市場可能冇長工，個批係比較上游的畢業生就要做四千蚊既工。再下游Ｄ個批就繼續冇工開。再層遞落去，冇大學學位既人既生存空間就更加細。
再者，亦都睇唔到財爺有認真顧慮過呢班人實習完之後點，只係希望到時經濟已經好返啦！財爺淨係識叫人做住散工止住血先！ |
| |
| 大家要努力呀﹗我相信你地會俾心機帶d reporters的~
大家一齊做好我們的第一份publication﹗
|
| |
| 好辛苦，沒有人support很想放棄
從plan到真係開波﹑briefing﹑分組，當中有邊一個係樣樣都有involve? 最初問大家有冇興趣搞，個個都話「你搞o既我實幫手」，到頭來.....難怪上次搞開學飯，carmen話「你知佢地話就話幫手，最後咪又係叫你唻」。我以為我地真係會一team人一齊去搞，實際上所有admin野我做曬，都唔緊要，但事實上大家都只不過係諗住由我去搞，最唔開心係得唔到其他人的體諒，當我唔開心時，我竟然搵唔到我所謂幫我手搞的人聽我講。 點解我要分d野俾人做，我講過好多次，一開我就唔係諗住呢個係我的project，而係大家的project，我亦唔係當自己係leader，我只係想做一個coordinator，我都希望大家有lead的機會，唔係由頭到尾得我一個人講冇人講。 我尋日講commit與唔commit，真係唔係發晦氣而講，係我真係擔心呢個問題，因為打左咁多個電話/ msn，搵左咁多次人，我真係了解到個情況。點解之前想約人出唻傾咁難，turn out有幾多個人去開會，點解有人仲唔知道我地做緊乜，呢d facts都反映左個問題。 |
| |
| 經過星期五，我再次感受到大家的支持
多謝紫姐，雖然無啦啦比我拉左落水，但都有認真咁比意見，又成日比我煩左咁耐
多謝穎穎，appreciate你飲水思源，將回饋ＢＪ的心付諸行動，邊個有心邊個冇咁有心我都睇得出既。。
仲有convi，又安慰左我成個中
Becca，我知你返唻搵我都係想慰問下我（地）
至於Takka，比我老屈左佢去搞editors briefing，如果搵唔到人唻教，隨時要教書，哈哈
大家一齊去做到progress令我感受到我唔係得一個人，係可以搵到人幫我。自知我唔係做leader的材料，我都在學習中，亦正因為我的不足，更加需要群策群力，互補不足。
Passion，真係好緊要 ﹣用一團火去燃亮另一團火
|
| |
